...
МЕНЮ
ONLINE TV

Трамп Брюсселда нега олий даражада кутиб олинмади?


12:45, 12.07.2018 Олам
 7 884

Айни пайтда хорижий оммавий ахборот воситаларида шунга ўхшаш сарлавҳали мақолалар чоп этилмоқда.

Бельгия пойтахти – Брюсселда НАТОга аъзо мамлакатларнинг раҳбарлари учравушивга келган АҚШ президенти Дональд Трамп олий даражада кутиб олинмади. Бунга сабаб нима?
 
Айни пайтда хорижий оммавий ахборот воситаларида шунга ўхшаш сарлавҳали мақолалар чоп этилмоқда.
 
Сабаби оддий – Россияда якунлани бораётган футбол бўйича жаҳон чемпионати.
 
La Libre нашрининг ёзишича, Дональд Брюсселга келганда, Бельгия терма жамоаси Жаҳон чемпионатини ярим финал баҳсида Францияга қарши майдонга чиқишга ҳозирлик кўраётган эди. Шу боис, мамлакат қироли Филипп ва ташқи ишлар вазири Дидие Рейндерс ўйинни бевосита кузатиш учун Санкт-Петербургда эдилар.
 
Бельгия бош вазири Шарл Мишель эса ярим финални кўриш учун терма жамоанинг энг иқтидорли футболчиси Эден Азар туғилган қишлоқ – Брен-ле-Контга кетганди.
 
Дональд Трампни Брюссель аэропортида АҚШнинг Бельгиядаги янги элчиси Рональд Гидвитз, НАТОдаги доимий вакили Кей Бейли Хатчисон кутиб олди.
 
Хуллас, Дональд Трампнинг бундай “кутиб олиниши” унинг кайфиятини аэропортидаёқ тушириб юборган.
 
Дарвоқе, Шарль Мишелнинг Эден Азарнинг қишлоғига кетиб қолишига яна бир сабаб кўрсатилмоқда. АҚШ давлат раҳбари саммит бошланмасдан олдин НАТОга аъзо давлатларга мудофаага ҳаражатларни оширишни талаб қилиб мактуб ёзган экан. Табиийки, унинг бу талаби Бельгия бош вазирига ёқмаган.
 
Маълумот ўрнида, Бельгия терма жамоаси ярим финалда Францияга мағлубиятга учради ва финалга йўлланмани қўлдан бой бериб қўйди.
Акмалхон Эшонхонов

Теглар:Дональд Трамп Бельгия 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!