Тошкентда 3 та автомобиль ва автобус ЙТҲга учради

Жамият 13506
image

Тошкент шаҳри Яккасарой туманида 3 та автомобиль ва автобус йўл-транспорт ҳодисасига учради. Бу ҳақда Тошкент шаҳар ИИББ Ахборот хизмати хабар берди

Жорий йилнинг 7 апрель куни, соат 09:45 да Яккасарой тумани Катта Миробод кўчасида 28 ёшли самарқандлик А.И. Lacetti русумли автомобилни Шароф Рашидов кўчаси бўйлаб бошқариш давомида бошқарувни йўқотиб Катта Миробод ва Шота Руставели кўчалари кесишмасида светофорнинг тақиқловчи белгисига тўхтаган бир нечта транспорт воситалари билан тўқнашган.

Автомобиль 35 ёшли Ш.Ш. бошқарувидаги Spark ва 24 ёшли А.К. бошқарувидаги Matiz автомобилига бориб урилган. Шундан сўнг Lacetti бетон устун билан тўқнашган. 

Зарбдан Matiz автомобили ағдарилиб, қаршисида турган 30 ёшли Б.Т. Бошқарувидаги ISUZU русумли йўловчи автобусига тўқнашган. ЙТҲ сабабларига аниқлик киритилмоқда.

Ҳодиса оқибатида автобус йўловчиларига зарар етмаган. Lacetti ва Spark автомобили йўловчилари (шахси аниқланмоқда) бадан шикастлари билан шифохонага етказилган.

Мазкур факт бўйича Тошкент шаҳар ИИББ томонидан тергов олди текшируви ўтказилмоқда.

Умиджон Нозимжонов
Мақолага баҳо беринг
Баҳолаганлар: 615
Рейтинг: 3.1
t
×