Тошкентда коронавирусга чалинган 67 яшар аёл вафот этди

Жамият 4021
image

Ўзбекистонда коронавирус билан боғлиқ яна бир расмий ўлим ҳолати қайд этилди. Мамлакатда жами ўлим ҳолатлари 138 тага етди. Соғлиқни сақлаш вазирлигининг қайд этишича, коронавирусга чалинган пойтахтлик бемор ўткир нафас ва юрак қон-томир етишмовчилигидан вафот этган. 

Тошкент шаҳар Сергели туманида яшаган 67 ёшли Н.Т. (аёл)да жорий йил 10 июль куни COVID-19 инфекцияси тасдиқланган ва шаҳар 1-сонли клиник шифохонага олиб келинган, ҳолати ёмонлиги сабабли реанимация бўлимига ётқизилган. 

Унга COVID-19 инфекциясининг ўта оғир кечиши, икки томонлама пневмония ташхиси қўйилган. Хасталик ўткир респиратор дистресс синдроми, ўткир нафас етишмовчилиги асоратлари билан кечган. 

Шунингдек, бемор юрак ишемик касаллиги, стенокардия, гипертония, артериал гипертензия каби ҳамроҳ касалликлар билан ҳам оғриган.

Шифохонада беморнинг даволаниши давомида шифокорлар томонидан консультация ва консилиумлар қилинган, даволаш жараёни мутахассислар тавсияси асосида олиб борилган.

Бироқ шифокорлар томонидан стандартлар асосида ўтказилган реанимацион муолажаларга қарамасдан беморнинг аҳволи асосий касаллик ҳисобига кескин оғирлашиб, ўткир нафас ва юрак қон-томир етишмовчилигидан вафот этган.

Qalampir.uz Tahririyati
Мақолага баҳо беринг
Баҳолаганлар: 52
Рейтинг: 3.2
t
×