Зеленский Украинани хавфсиз, бой ва қонуний мамлакатга айлантирмоқчи

Олам 2024
image

Украина Республикаси Президенти Владимир Зеленский Украина Миллий хавфсизлик ва мудофаа кенгашининг 2020 йил 14 сентябрдаги “Украина миллий хавфсизлик стратегияси тўғрисида"ги қарорини маъқуллаш тўғрисидаги Фармонни имзолади. Бу ҳақда Украина Президенти девони хабар бермоқда.

Ҳужжат МХМКнинг 2020 йил 14 сентябрдаги "Украина миллий хавфсизлик стратегияси тўғрисида"ги қарорини кучга киритади ва тегишли стратегияни тасдиқлайди. 

Украина Президенти номидан Украина миллий хавфсизлиги ва мудофаа стратегияси ишлаб чиқилган бўлиб, у миллий хавфсизлик соҳасидаги давлат сиёсатининг асосий йўналишларини, хусусан Украина миллий манфаатларининг устувор йўналишларини ва давлат ташқи сиёсатининг асосий йўналишларини белгилайди. 

Стратегияни амалга оширишнинг асосий мақсади-қонун ҳукм сурадиган, ҳар ким ўз истеъдоди ва қобилиятини рўёбга чиқарадиган, одамлар тоза ҳаводан нафас оладиган, тоза сув ичадиган ва уларнинг фарзандлари ва набиралари билан ўз тақдирини боғлайдиган қонун ҳукмронлик қиладиган эркин, бой, хавфсиз Украинани барпо этишдир. 

Стратегияда белгиланишича, Украина тинчлик сари интилилади ва бу давлат тараққиётининг калитидир. 

Стратегия миллий хавфсизлик соҳасидаги давлат сиёсатининг учта асосий принципига асосланади:  

•    чеклаш - Украинага қарши қуролли тажовузнинг олдини олиш учун хавфсизлик ва мудофаа қобилиятини ривожлантириш; 

•    барқарорлик - жамият ва давлатнинг хавфсизлик муҳитидаги ўзгаришларга тез мослашиш ва барқарор ишлашни сақлаб қолиш қобилияти, хусусан ташқи ва ички заифликларни минималлаштириш; 

•    ўзаро ҳамкорлик - асосий хорижий шериклар, биринчи навбатда Европа Иттифоқи ва НАТО ва уларга аъзо давлатлар, АҚШ билан стратегик алоқаларни ривожлантириш, бошқа давлатлар ва халқаро ташкилотлар билан Украинанинг миллий манфаатларидан келиб чиққан ҳолда амалий ҳамкорлик ўрнатиш.

Миллий манфаатларнинг устувор йўналишлари қуйидагилар билан белгиланади:  

•    мустақиллик ва давлат суверенитетини ҳимоя қилиш;

•    Украинанинг халқаро миқёсда тан олинган давлат чегарасида ҳудудий яхлитликни тиклаш;  

•    ижтимоий ривожланиш, биринчи навбатда инсон капиталини ривожлантириш;

•    Украина фуқароларининг ҳуқуқлари, эркинликлари ва қонуний манфаатларини ҳимоя қилиш;

•    Европа ва Евроатлантик интеграция.
 

Qalampir.uz Tahririyati
Мақолага баҳо беринг
Баҳолаганлар: 32
Рейтинг: 2.8
t
×