“Жангга фақат у лойиқ”. Мендес Ҳабиб ким билан жанг қилмоқчилигини айтди

Спорт 44068
image

Ҳабиб Нурмуҳамедовни қизиқтириши мумкин бўлган ягона жанг – бу канадалик Жорж Сен-Пьерга қарши жанг. Бу фикрни ТАССга енгил вазн тоифасида UFC чемпионининг мураббийи Хавьер Мендес айтиб ўтди.

Бугун, 24 январь куни UFC 257 мусобақасининг асосий мусобақасида америкалик Дастин Пуарье ирландиялик Конор Макгрегорни иккинчи раундда нокаутга учратди. Аввалроқ, 2020 йил октябрь ойида енгил вазн тоифасидаги яна бир камар ҳимоясидан сўнг  фаолиятини якунлашини эълон қилган Нурмуҳамедов жангларга қайтиши мумкинлигини тан олди.

“Ҳабиб қайтиш ҳақида ўйлаши мумкин бўлган ягона жанг – бу Сен-Пьерга қарши жанг”. Агар Жорж қайтишга қарор қилса, бу жуда катта жанг бўлади. Ҳабибнинг қолган жанглари эса, эҳтимолдан йироқ”, дейди Мендес.

Маълумот учун, канадалик Жорж Сен-Пьер 39 ёшда ва у 2019 йил фаолиятини якунлаган.

Умиджон Нозимжонов
Мақолага баҳо беринг
Баҳолаганлар: 2906
Рейтинг: 2.9
t
×